ਕਾਲਜ ਦਾ ਭੋਜਨ


ਭਾਰਤੀ ਵਿਦਿਆਰਥੀਆਂ ਤੇ ਵੀਜ਼ਾ ਸ਼ਰਤਾਂ ਦੀ ਸਖ਼ਤਾਈ ਕਰਕੇ ਅੱਜ-ਕਲ ਇੰਗਲੈਂਡ ਦੀਆਂ ਯੂਨੀਵਰਸਿਟੀਆਂ ਚ ਉਨ੍ਹਾਂ ਦੀ ਗਿਣਤੀ ਘਟ ਰਹੀ ਹੈ, ਪਰ ਕਿਸੇ ਕਾਰਣ ਕਰਕੇ ਚੀਨੀ ਵਿਦਿਆਰਥੀਆਂ ਦੀ ਗਿਣਤੀ ਵਧ ਰਹੀ ਹੈ ।
ਮੇਰੀ ਧੀ ਦੇ ਹੋਸਟਲ ਦੇ ਫਲੈਟ ਦੀਆਂ ਸਾਥਣਾਂ ਪਹਿਲੇ ਦੋ ਸਾਲ ਭਾਰਤੀ ਸਨ , ਪਰ ਅਖੀਰਲਾ ਸਾਲ ਚੀਨਣਾ ਨਾਲ ਬਿਤਾਇਆ ।
ਸਾਂਝੀ ਰਸੋਈ ਚ ਜਿਥੇ ਪਹਿਲਾਂ ਕਰੀ ਦੀ ਵਾਸ਼ਨਾ ਆਉਂਦੀ ਸੀ, ਉਥੇ ਅਖੀਰਲੇ ਸਾਲ, ਚੀਨੀ ਖਾਣੇ ਦੀ ਮਹਿਕ ਦਰਵਾਜ਼ੇ ਵੜਦਿਆਂ ਮੂੰਹ ਚ ਪਾਣੀ ਲਿਆ ਦਿੰਦੀ …

ਕਰੀ ਤੇ ਭਾਰੂ
ਚੀਨੀ ਪਕੋੜੀਆਂ ਦੀ ਮਹਿਕ . . .
ਕਾਲਜ ਦਾ ਭੋਜਨ

ਦੀਪੀ ਸੈਰ – ਪਹਿਲਾ ਪੰਜਾਬੀ ਹਾਇਕੂ ਮਹਿਫ਼ਲ ‘ਕਾਵਿ ਦਰਬਾਰ’



ਸਿਆਲੂ ਰਾਤ…
ਤੱਤੀ ਤਕਰਾਰ ਪਿੱਛੋਁ
ਪਰਨਾਲੇ ਦੀ ਤਿਪ ਤਿਪ

ਪਤੰਗ ਦੀ ਉਡਾਣ
ਬਿਜਲੀ ਦੀ ਤਾਰ ਤੱਕ…
ਰਹਿਰਾਸ ਵੇਲਾ

ਪਹਿਲੀ ਜੂਨ …
ਖਿੜਨ ਤੋਂ ਪਹਿਲੋਂ ਬਦਲ ਰਿਹਾ
ਡੋਡੀ ਦਾ ਰੰਗ

ਮਟਕਾ ਚੌੰਕ …
ਧੂੜ ਚ ਅੱਟੀ ਪੱਗ ਤੇ
ਝੁਲਸੀ ਡਿਗਰੀ

ਘਸਮੈਲਾ ਅੰਬਰ …
ਰਤ ਨਾਲ ਰੰਗੇ
ਦਾਤੀ ਦੇ ਦੰਦੇ

ਜੁਗਨੂੰ Jugnu


%d bloggers like this: